Ya Rebbi Ya Lmudebbar

*Ya rebbi ya lmudebbar
sefdagh yakw imettawen
ay ahnin ay ajebbar
rhem wigad yemmuten
azen-ed lahna ak d sbar
i wigad d-yeqqimen

1. Ttugh ayen illan d asefru
ttugh ayen illan d lemhayen
d ul-iw ig-jarhen yettru
ghef lahbab yemmuten
ur ufigh dwa hellu
ur yifnan imettawen

2. Yettru wul-iw d amejruh
ghurwen akw lexbar ayen
yemmut wemghar d umectuh
bghir lajel i ruhen
a rebbi il-ik d lmesmuh
s rahma-k d awiten

3. Tasa-w tejrah gher d axel
f lhem yekren di l3amma 
wa yemmut ghef lbatel
wa s zzur akw d ckama
a rebbi s dwa-k a3jel
tenzel-ed agh-id rrehma

4. Teghli-d fell-agh lhiba
sbah tameddit nuden
lwahc yughal d tlaba
lxuf yezdagh deg ulawen
annagh ya rebbi 3jaba
ili-k fell-agh d am3iwen

5. Farqen lahbab de watmaten
kul yiwen ixeddem rray-is
yekker laqtil gerasen
ur ya3qil hedd axsim-is
ttxil-ek a llah dawiten
kulwa rrit-id gher l3aql-is

*Cliquer ICI pour Regarder La Vidéo