Ma Ţedduđ a nŗuħ

Lzayer ţ-ţamdint yelhan
Teffγe-d di lğeŗnan
Di Lafrik mechuŗ y isem is
Llsas is yezzi-d γef aman
Yebna s lğir w ssiman
Wehmen akw medden di zzin iz
A sidi εebdeŗŗman
A Beb l'lbeŗhan yeqwan
Terređ aγŗib s axxam is

A muħ a Muħ
Kker ma a ţedduđ a nŗuħ
A muħ a Muħ
Kker ma a ţedduđ a nŗuħ
A muħ a Muuuuħ

Asmi uqbel ad ŗuħeγ
Zuxxex asen aŧas i lwaldin
Nniγ asen ad uγaleγ
Ma εeŧŧleγ aseggwas neγ sin
γeŗqeγ am targit ŗuħeγ
Tura kteŗ n εacŗ snin
A muħ a Muħ
γeŗqeγ am targit ŗuħeγ
Tura kteŗ n εacŗ snin

{refrain}

Annaγ a Sidi Ŗebbi
Ay Aħnin ay Amaεzuz
Temż' inu tŗuħ d akweŗfi
Deg w Metro daxel uderbuz
L' Pari tezzi fell-i
Waqila tesεa leħruz
A muħ a Muħ
L' Pari tezzi fell-i
Waqila tesεa leħruz

{refrain}

Aqli am in ihelken
Ţŗağuγ a ţeldi tebwurt
Di lγweŗba wulfeγ dayen
Ma d ul iw ibγa tamurt
Ma ŗuħeγ ulac idrimen
Ma qqimeγ uggwadeγ lmut
A muħ a Muħ
Ma ŗuħeγ ulac idrimen
Ma qqimeγ uggwadeγ lmut

{refrain}

Ur i iγađ ur i yerzi
Siwa dderya nni id γuŗŗeγ
Kul yum ţŗağun iyi
Ma d nekk uggwiγ ad ŗuħeγ
Lγweŗba tezzi yiss-i
Iεeŗq-iyi webrid i ţţaγeγ
A muħ a Muħ
Lγweŗba tezzi yiss-i
Iεeŗq-iyi webrid i ţţaγeγ

{refrain}