Idehr-ed waggur

Idehred w aggur
Itbaεt id yetri
Ifeğğeğ, yeţnur
Ifka d tiziri
Idwi timura d lebђur
Idurar akw d ssђari

Acђal yesεada lmeђna
Iţγummu t usiģna
Ixeddem deģs lmenkwer
Ifhem d acu d lmeεena
Ittef as cceђna
Iђsed, yugwad a t nzer
Tura yeffeγ ed γer lemna
Ifeğğeğ yennerna
S nnur is a γ d ifekker

Refrain

Acђal ur d iđhir iγab
Ţrun akw fellas leђbab
Teђzen ula d lhawa
Iseεedda ccetwa teseεab
D iģenni yenneqlab
Rrεud, lebraq d lehwa
Armi i gerwa laεtab
I d iffaγ γer sswab
I guγal am zik yeđwa

Refrain

Seggemen as tura wussan
D iģenwan sfan
Tedhr-aneγ-d tafat is
Dewwern as merra yetran
S lqis ay zraan
Ferђen amzun d arraw is
Qublen t id γef idisan
Ţ-ţafat i yas d rnan
I gxeddem Llah di ccan is

Refrain

Yufrar akw fellas leγmam
Iffeγ ed si ttlam
D nnuba-s ad yennecraђ
Idwi d lqed l-lleεlam
Ifka yaγ-d sslam
Icaεl ed am lmesbaђ
Ncallah ad yeddu slewqam
Akka i nessaram
Ula d nekwni ad as nefraђ

Refrain